وشوشة العصافير

متابعة _ أسماء محمود
قلم _هاني عبد الكريم
مع التفكير في كل ما حولي من صراعات في العمل واوضاع بلدي وطريق مهنتي الاعلامية المنحرف عن المسار وضعتني الحيرة في خانة اليك واصبحت محاصر بتلك الافكار التي تنتابني من وقت لاخر وفي ظل هذا الخناق حولي قررت الخروج من حجرة مكتبي الي شرفة منزلي لكي استنشق هواء نقيا ولكني لم اسلم ايضا حيث الشجرة التي امام منزلي المليئة بالاغصان وتسكنها مجموعة العصافير فارادت ان تحاورني وشوشة عصافير
العصفور الاول
– انا مش هتكلم معاك انامخاصمك علي فكرة
-لية ياعصفور ياحبيبي بس اية اللي مزعلك
العصفور/ ياعم انتوا مش شايفين الجناين عاملة ازاي
– مالها ياسيدي الجناين حد مدايقك فيها
العصفور / ياعم انا محدش يعرف يدايقني
– حتي انت ياعصفور بقيت بتتكلم كدة
العصفور / من الخنقة اللي انا فيها
– وانت كمان مخنوق طب دة انت عايش ملك في السما
العصفور / بقولك اية سيبك من كلام الكتب بتاعكوا دة انا مخنوق من احوالكم وسلوكياتكم المشينة وحالكم من اسوأ لاسوأ
– حتي انت كمان مش عاجبك حالنا يا عصفور
العصفور / ياعم ما انا عايش معاكوا وقدامك ليل نهار ينفع الشتيمة اللي بسمعها منكم وانا ماشي انا والمدام كدة هوة احنا عشان عصافير مبنحسش يعني مبنغرش علي اولادنا العصافير واناثنا
– والله عندك حق بس دي فئة صغيرة ياعصفور اللي بتعمل كدة
العصفور / ياعم روح صغيرة اية طب دة انتوا كلكوا بتكرهوا بعض وبتطعنوا بعض من الخلف بدم بارد
– للاسف انت بتتكلم صح ياعصفور بس تفتكر دي حالة مؤقتة ولا هطول معانا
العصفور / والله انا حسب خبرتي شايف ان الشعب المصري كلة بلا استثناء محتاج معالج نفسي
– يااااااة هية الحالة خطر كدة يا دكتور قصدي ياعصفور وصلنا لمرحلة الجنان
العصفور/ ياعم جنان اية فال اللة ولا فالك تف من بقك ماتقولش كدة لا انتوا مريضين بداء العظمة كل واحد شايف نفسة بطل وعاملي فيها جون سينا
– ايوة ياعصفور صح الواحد فيهم مش عارف يكمل يومة وسايب شغلة وبيشاكل الناس
العصفور / ههههههه والله انتوا فكرتوني بفيلم جاري البحث عن مصيبة مش عن لقمة العيش
– طب فهمني يا عصفور المعالج النفسي دة شغلتة اية معانا
العصفور / دة ياسيدي شغلتة تغير السلوكيات ازاي يبني شخصية سليمة ازاي يعالج السلبيات ازاي ينمي المهارات والقدرات ازاي يبقي عندك ثبات انفعالي
– ياعم صلي ع النبي الناس دي بتفطر فول الصبح وتنح تلاقية ماشي في الشارع يقول هااااا مين هناك دة لو ربنا مكرمهوش بمشكلة وقفلت معاة بيشاكل دبان وشة
العصفور/ يا نهار اسود وذنبها اية الدبانة دي صاحبة مرض
– ياعم انت هتهزر الدبان بيجيب المرض مش صاحب مرض
العصفور / ماهي دماغك الوسخة دي زيها زي باقي اخواتك الذباب عموما عندة فقدان الذاكرة بتفقد الذاكرة كل ١٥ثانية
– ياعم اية اللي انت بتقولة دة انت هتشحت ع الدبان ولا اية
العصفور / لا يا ابو لسان طويل . انت لم بتهش الدبانة وتجري منك مش بترجع تاني
– اة دبانة رخمة بقي هعملها اية
العصفور / ياعم دي مش رخامة هية بتنسي انها جت عندك اساسا فقدت الذاكرة هية يعني غاوية تموت
– ياسيدي ربنا يشفيها ويرزقها بقزازة بيرسول تخلصنا منها
العصفور / شفت اديك قولتها الحمد لله خلي بقي اصحابك يشيلو مقالب الزبالة اللي في الجناين عشان بيجيب دبان رخم علينا الله يخليك
-ياعم دة دبان صاحب مرض
العصفور / لا وحياة ابوك مش اللي بنعملة في الناس هيطلع علينا اتعلموا النظافة بقي
– ياسلام عامل واعظ حضرتك مش لما تتعلم انت الاول
العصفور / ولية طولت اللسان دي يا ابونا
– ماانت واخواتك تبقوا طايرين وتشخوا علينا دة يصح يعني
العصفور / ههههههه وانتوا من هبلكوا بتقولوا افرح ياض هتتكسي محسسني اني صاحب مصانع قطونيل
-انت شكلك عصفور لمض عاوز اية تاني مني ياعم
العصفور / عاوزكم تتعلموا مننا القوة القوة في الاتحاد مفيش عصفور بيمشي لوحدة لازم نكون سرب مفيش عصفور بيبني عش لوحدة لازم يكون لية شريك
– ماشي ياسيدي بس انا لية طلب عندك يا معلم
العصفور / اؤمر يا معلم
– تبطل وساخة انت واخواتك ومتشخش علي سور البلكونة يا معفن
العصفور / انا معفن ياض ياعصافير يا عصافير
العصافير / صو صو صو صو اؤمر يا معلم
العصفور / الواد دة بيقولي يا معفن
العصافير / اية بيتطاول علي الذات العصافيرية هجوم
– اجري يا معلم