فنزويلا التي كانت من اغني دول العالم
..
بقلم عزة الجراح
النهارده بتبيع أطنان من دهب احتياطي البنك المركزي للامارات وبعتت تطلب الدهب بتاعها الموجود في بريطانيا عشان تبيعه هو كمان وتستبدل كل الأطنان دي بعملة صعبة عشان تخرج من أزمتها الاقتصادية الطاحنة..
عارف يعني ايه دولة يوصل بيها الحال انها تبيع الدهب بتاعها ؟!!
يعني خلاص…
الدولة دي بقت فاشلة رسمي مبقاش حيلتهم اللضا
فاضل لهم تكة ويعملوا جمعية مع خالد علي وباقي يسارجية يناير ويقبضوها كلهم الأول عشان يجيبوا نص فرخة يتعشوا بيها مع شعب فنزويلا..
دولة مليانة موارد غنية جدا بمواردها الطبيعية بترول وغاز ومعادن ودهب …
ادارة البلاد اليسارجية الفاشله لبستها في الحيطة..
انهيار عملة وافلاس وتضخم رهيب ملوش علاج ومن ضمن أول 10 دول علي مؤشر انتشار الفساد وانهيار شامل في المرافق والخدمات والبنية التحتية وانتشار عصابات سرقة ونهب والستات بتبيع عيالها وشعرها وجسمها عشان تعرف تعيش والناس بتصطاد كلاب الشوارع تاكلها ومهاجرين بالملايين هربانين من جحيم الفقر والعنف والأوبئة والأمراض ومفيش استثمار أجنبي ولا قطاع خاص ولا مشاريع قومية واتعلموا يشتروا كل حاجة من الخارج ودلوقتي مفيش دولار واحد يشتروا بيه سلع للشعب عشان ينزل يشتريها..
الشعب عودوه علي زيادة المرتبات بدون غطاء كل ما الاسعار تزيد لحد ما العملة بقت بلا قيمة وورق التواليت بقه أغلي منها حرفيا..
الناس في فنزويلا فرحولهم كام سنة بزيادة المرتبات والدلع والانتخه وصحيوا علي كابوس ودولة فاشلة بكل ما تحمل الكلمة من معني.. دولة بتبيع دهبها بقت ملطشة لأوروبا و أمريكا بسبب ضعفها وانهيارها..
عرفتوا دلوقتي ليه الرئيس السيسي بيضغط علينا ويزيد الضغط ويقولنا استحملوا معلش عايزين نحافظ علي بلدنا ونبنيها البلد اللي بتضيع مش بترجع !!!
فنزويلا ولا بتحارب ارهاب من كل ناحيه ولا فيه دول بتتامر عليها ولا ضربولها سياحه ولا وقعوا لها طياره ولا دمرولها اقتصاد ومع ذلك انهارت وسقطت !!!
ومصر سددت ديون بالمليارات ورفعت الاحتياطي النقدي وبتبني وبتعمر ووصلت
لمستوي تنميه غير مسبوق وهي في حاله حرب مستمره
مصر كان حيكون مصيرها اكتر من كده بكتير لولا القياده الناجحه للرئيس للسيسي والقوات المسلحه والمصريين الشرفاء !!!
عرفتوا الرئيس السيسي عمل ايه لمصر وانقذها من ايه !!!
كمل واحنا معـــــــــــــــــــــــــاك يا ريس..
