كبر ولقى نفسه جزار
وكان واحد مالشطار
بس قطر الأخلاق فاته
فخد توكتوك الهلس وطار
عماه الشيطان وساقه
صورله إنه بفلوسه جبار
عبا قلبه غل وحورله
ياللا نخلى المجتمع ينهار
بينا عشبرا مصنع الرجال
إبرز لصغيرهم…. الطبال
وايا أم على يسرح بالفاكهه
العنب والمانجه يرش بالشوال
ومن بعده الرايق
أبو زهر الشايب
هيكونلك أحلى المجايب
لجل ماتحلف إنك
بتظهر أحلى المواهب
وإنده على بجح الهرم
ده كفحتى وعيل برم
بنبونى وملبس عالشباب هيروق
مالجيزه للهرم
ووز السرسجى أبو صباع
اللى بمافيته الجيل ضاع
محدش معاه هيبام بام
وتلاقى الهلس سيطه زاع
يا سليط النفس
فضحتنا بشراشيبك
وخنقتنا بكراكيبك
يا جزار الهلس
إمتى أشوفك دبيحه
سممتنا بشغتك
وعليت صوت الشبيحه
الهيافه دى حلاوة روح
مش شاكوش بيدق فلوح
ده مهما الخشب على
هنفضل نقوله يا لوح
عايرت العلم بالجاز
والسفه صورته إعجاز
ماهو العرى ليك إرتكاز
ولأوهامك الرخيصه
عملت الفن عكاز
أصلك مفسد بإمتياز
ليعقوب والباز إحنا باصين
ناجحين مش زيك فاشلين
انما انت مقامك قرشين
يدوب يلفو سيجارتين
دخان فالهوا طايرين
وللبيئه ملوسين
كورونا فيرس الصين
وإنت بايرص المصريين
إللى منك متبريين
وعليك أيمين
بكروكس من عالحيط
جايبين
وفالبلاعه راميين
يا جزار الهلس
هانت
هانشوفك دبيحه
السندباد أحمد رضا العسال