حبيبتي
عايزك ترضي عني
لو كنتي شايلة مني
واحتسبيني شهيد
وهدية مني ليكي
زهرة صبر تواسيكي
وبوسة ع الخدين
ادعيلي في كل وقت
واوعي تقولي خلاص تعبت
عايزك شديدة وقوية
ياتوب دايب حنية
اقولك حاجة ياامة
صاحبي في عيدك بعته
لجل يبوس الأيادي
ويحلفك ماتبكي
خدي بالك من ولادي
وغيري الجلابية
مابحبش السواد
عايزك بقلب صبية
مزروع حب ووداد
وبسمة خجولة ندية
تفرح الولاد
واتباهي ياامة بية
واحكي كتير علية
وكوني راضية عني
واوعي تشيلي همي
