ماتبكيش يامه “شعر /حنا عادل النجار”

ماتبكيش يامه لو جو قالولك انه مات
ماتبكيش يامه بس ابقي اكويلي قميصي
الي اشتريته جديد الاسبوع الي فاات
خليه يامه انشا الله زينه
واوعي حد من العيال ف يوم يقول ده بتاع عمي الي ماات
خليني حي يامه ف عيونك
واوعي ف يوم تنسيني
ويوم العيد عايزك تجيبي الاكل الي كنت بحبه وتفتكريني
ده محدش غيرك يامه كان حاميني
كان نفسي يامه ارجعلك واترمي ف حضنك زي كل اجازة
بس اظاهر يامه ان ربنا عايزني جنبه
ووالله يامه وولدك طلع اهو ليه عازة
دمي بينزل يامه ومشايفش غير ضحكتك قدامي
كان نفسي يامه تحضنيني الحضن الاخير
كان نفسي يامه اشوفك من تاتي
موت يامه علشانك وعلشان بلدي تعيش
موت شهيد يامه وانا وف الجيش
مرحمونيش يامه وهما بيموتوني قعدت اصرخ قولت يمكن تلحقيني زي مكنتي بتلحقيني وانا وطفل صغير ف الشارع زمان
كان نفسي يامه تاخديني ف حضنك الحضن الاخير
قبل مجسمي يطير من التفجيير
حسيتي يامه بيا..اكييد
وانا وكنت بصرخ وبنده عليكي وانا ومدبوح وسايل دمي زي الخروف بتاع العيد
ابقي زوريني يامه انشا الله كل سنه
هتوحشك يامه ماتسبنيش وحدي تحت التراب
انتي عارفه يامه اني كنت بخاف من الضلمه وقفله الباب
بس كله يامه علشان بلدي يهون
ده ربي وصاني عليها وقالي ع مصر حافظ عليها وصوون
خليكي يامه فكراني وادعيلي بالرحمه ومتبكيش
وانا شهيد عند ربي وبشفعلك وف القلوب دايما هفضل اعيش…