لما بتضحك كل الدنيا معاها بتضحك واما بتحزن…. تلقي معاها الدنيا بتحزن بدعي لقلبها يفضل صافي تصفي معاه الدنيا ما تحزن وادعي يدوم القلب الطاهر أصل الظاهر ان قلوب الناس ألوان تلقي الأبيض تلقي الأسود تلقي قلوب من غير عنوان واللي مالوش عنوان مش ظاهر اما القلب الطاهر ظاهر بس دموعه يا خلق كتير دمعة فرح دمعة جرح دمع حقيقي بدون تزوير قلب كبير فرحه كتير طرحه كتير يبكي …. بس ما تلمح دمعه يصرخ …. بس ما حدش سامعه لما بتطلع قولة آه يوم تلقاه …. يضحك يضحك ناسه معاه يحزن ….. كل الدنيا اوام تنساه حبه يكفي الدنيا وناساها بس ما يلقي قلوب سعياه خليك طاهر ظاهر دايما وماتسمعش لعبد هواه
