لو مت
ارجوكم
بلاش تحبسوا جتتى فى القبر
حطوها براحة على طرف موجه
سبوها تمشى على المية لسكندرية
ها تعدى من الميناء الشرقية
و تروح تحضن لى امى و عيالى
خلوها تصلى الفجر فى ابو العباس
بعد الصلاة تطلع تلف على الكورنيش
تودع بياعين الذرة
و تخطف كم قرطاس
من على عربيات بياعين الترمس
و تروح القلعة نزور الصخرة المسحورة بالجن
خلوها تقابل صحابى
حسنى منصور و Hanan Saeed
و تمر على التجارية تقابل شلة الصعاليق
تشرب معاهم شاى بربرى و تضحك
تسمع اشعارهم
و تحاول تفتكر قصيدة تسمعهلهم
سبوها تمشى براحتها من المنشية لبحرى
ماحدش يحاول يشلها
و لا حد يحوط عليها
هاتشبع حنين السنين
و هاطلع سلم السما لله لوحدها و هى بتبتسم .
#رسائل_امل_درويش