برد يناير
ده بيرجعني بالعمر كام سنه
بيفكرني
بالعيون السود وبالضفاير
بيفكرني بالعقل الي كان
كل مايبص ف عنيها
يفضل حااير
بيفكرني بقلبي
الي اول مكان يشوفه
كان يبقى من الفرحه طاير
سنيين طويله عدت زي السراب
قلبي كان واقف فيها زي المتهم
بالعشق وبالعذاب
قضيتي كانت كامله
باالادله وبالبراهيين
مش ناقصه غير حكم (القاضي)
بس القاضي شكله تخصصه
تعذيب العاشقيين
بالليالي وبالسنيين
مهو لو كان
يعرف انا بحبها
قد اييه؟
مكانش سالني
انت تهمتك ايه؟
وحتي لو كان العشق جنايه!
كنت عشقتها بدل المرة الف
ولا كنت هتردد ثانيه ولا كنت حتي
هشاور عقليه ف المرايه
العشق علينا ده مكتووب
حتي لو بعدنا عنه شهر يناير
مسيره يرجع لاصله ويعرف
انه هو الشهر الي كان مجمع القلووب..
0 213 أقل من دقيقة