مصر حد ومش لحد
سيف وحامي وألف حد
حد للي يخاف عليها
حامي للي يعادي فيها
و الخاين لو جة عليها
صدقوني تهدة هد
مصر حد ومش لحد
مصر خيرها لغيرها اة
فاتحه بابها لأي حد
تديك وتاخد منها اة
لو بغدر ماتدي حد
غير كده تهدك بجد
مصر تضحك بس ساعه الجد جد
عمرها ماتضعف لحد
مصر جامع لفه أزهر
درة وسط زرع أخضر
جنه ايه ف الجمال
أعشق فيها وحبها
ابعد وتاني ارجعلها
أحلم يكون جار منها
بس يوم ماتمسها
لو فكرت تلطها
تنقطع إيديك بجد
مصر ناسها طيبين
الطيبه عنوان وشهم
والقلوب من فل ابيض
ماتحبش اللي يغشهم
الأمين ياخد عينيهم
ولو هاتستقوى عليهم
لو جبل يتهد هد
أصل مصر وناسها حد
سيف وحامي بألف حد
تبتر اللي منها ياخد
ولا عمرها تخضع لحد
إلا مصر دى مش لحد