“هو الغرام حلو كده” للشاعرة ابتسام رحمة

هو الغرام حلو كده
خلاني عايشه بالشكل ده
اعشق وادوب من كلمتين
أو حتى همسة حنينه
أول ما قلبي يرق له
انده عليه وبقلبي احضنه
لو قالي مرة اشتقتلك
أحس قلبي راح وغاب
وكأني طايرة في السما
واى كلمة على الشفايف
كانت بتعزف رفض حالف
تنسى اوام وتبدله
وألقى روحي راحت اوام
لحد قلبه والغرام
واى كلمة يقولها هو
ألقى قلبي يامن ورآه
يدور ما بيني وبين هواه
حوار عجيب ولا له مدى
ليه ما أتقابلنا من سنين
كان قلبي من هواه ارتوى
عايشه معاه من يومين
فرحة غريبة مركبة
لو غاب عليا بس يوم
قلبي يخاصمني بالسنة
عشقته يمكن من كلمتين
ولا غرامه كان هنا