“شر لابد منه” بقلم جيهان جبر عبد الصمد

هو (حمدين صباحى) مجرد ظهوره يعنى الكثير من الإرباك الفكرى والفوضوى ..دائما يلقى بالحجر فى الماء الراكد ليحدث قليل من الجلبة كثير من السخرية .
حلم راوده منذ الطفولة أن يصبح رئيس مصر وكان له ما آراد وأترشح أربع مرات وفشل بطريقة كوميديه
هو شخص لبلابى يعنى متسلق مرة أخوانى ومرة ناصرىوأحيانا ليبرالى .
من عشرين سنة يترشح للرئاسة ومن عشرين سنة بيسقط سقوط مخجل ومقزز ..
هو الآن قابع فى قصره المهيب ويخطط للأنتخابات القادمة بطريقة كيد النسا ..يعنى تحريض عمال المحلة ماشى .عشش الترجمان ماشى ..تيران وصنافير لابأس فهى الحلقة الأربح وجوكر الأنتخابات القادمة.
بحياتك قابلت واحد كان فى يوم هيحكم مصر يقول على بلده المخروبة ..عمره ماقال مصر دايما يقول عليها المخروبة ..
عمرك شفت واحد كان يحكم مصر يعمل هاشتاج ع الفيس أهرب يادفعة ويحرض على الهروب من التجنيد عشان جيش المكرونة ..
شفت واحد عاش فى البلد دى شرب من نيلها وأكل من خيرها يحرض السياح الأجانب ويخوفهم من مصر
دلوقتى بقى وطنى وأفتكر أنه مصرى وخايف من السيسى الخاين اللى باع تيران صنافير .
ياعم حمدين أفهم كويس ..موش السيسى اللى خرب مصر وباع القطاع العام بثمن بخس وكانوا فيه من الزاهدين .
موش السيسى اللى أخترع الأنفتاح الأقتصادى وغرق الجنيه المصرى وبقينا نستورد خلة السنان
موش السيسى اللى ساب سينا لحماس وأنفاق المباح والغير مباح خايف يدخل الجيش عشان أتفاقية كامب ديفيد …موش السيسى اللى سكن الناس بالمقابر انتشر السرطان والفقر والجهل.
أنا بستغرب والله العظيم ومش مصدقة إنت بأى وش عايز ترشح نفسك للرئاسة .
ياعم حمدين حاول تلاقى شغل عشان محدش يعايرك أنك عاطل .
حاول تشغل نفسك روح النادى وأقعد مع عيالك وأحفادك ..أتفرج على مسلسل ليالى الحلمية أو حتى روح شوية عند طنط عفاف تغير جو .