سالى الجباس.. تجيب ماذا أفعل ؟؟؟
متابعة/ اية فودة
كتبت سالى الجباس
ورد الينا سؤال من إحدى القارئات عبر صفحة التواصل الاجتماعى ماذا تفعل الزوجة لمنع زوجها من النظر لامرأة
أخرى؟؟
ببساطة العطاء بحب وإخلاص يخلى الراجل ميبصش على واحدة تانية.. و لو مقدرش تضحياتك و حبك و عطاءك يبقى متستنيش منه تغيير…
و بلاش تشتكوا كتير . الشكوى المستمرة بتبوخ الحياه….
و محدش بيتغير لان الشخصية بتبقى إتكونت خلاص تقبلوا بعض بالعيوب قبل المميزات….
و فى راجل اخره يبص بس … ده ممكن لو زوتى طاقة الحب و الاهتمام و العطاء ،مع الوقت هيتغير و بلاش تدى الموضوع اكبر من حجمه اعملى نفسك مش واخده بالك فى رجاله بتستمتع لما يثير الغيره فيكى اتعملى بذكاء معاه ….
اما الراجل الخاين متعدد العلاقات النسائية فده متضيعيش وقتك معاه لو كنتى فعلا بتعملى إللى عليكى و بتعرفى تحتويه و تسعيده صح . ساعتها اقولك وفرى جهودك و طاقه عطاءك لان ده مش بيشبع…
ياريت نتعلم نسعد نفسنا علشان نعرف نسعد إللى مننا.
كمان نصيحة لكل البنات زودى مساحة الثقة بينك و بين زوجك … الأسرة كيان عظيم مينفعش اى حاجة تهده بسرعة ده انتى تعبتى قوى انت و هو و اسرتكما علشان يبقى فى بيت.
ابنوا جسور الثقة بينكم البيت مش شوية عفش وأجهزة البيت و الحياة الأسرية قوامها المودة و الرحمة والمغفرة
اتمنى لكم السعادة و الهدوء …
