الدكتوره إللي وقفت القطار لإنقاذ رضيع من الموت مسيحيه وهذا تأكيد لجميع الشعوب أن مصر بلد المسلم والمسيحي وأن المسلم والمسيحي يدا واحده لم يقدر عليهم اي فتنه ولا اشاعات
متابعه حافظ عصفور
دي الدكتوره / وسام رمزي طبيبه من أسيوط
ركبت القطار من محطة قطار أسيوط متجهة إلى الإسكندرية في القطار الإسباني رقم 935
وبعد تحرك القطار من المحطة وفجأه ..كمساري القطار و قبل محطة طنطا صرخ : “فيه دكتور هنا يا جماعة ؟؟ حالة تعبانة و محتاجين مساعدة الدكتورة وسام قامت جرى عشان تشوف فيه إيه لقت طفل عمره تقريبآ سنه و نص بيموت و مغمى عليه في حضن أمه المنهارة من البكاء ووجه الطفل أزرق
بسرعه الدكتوره وسام عملت جلسة تنفس صناعى للطفل و الإسعافات الأولية لغاية ما رجع يتنفس بصورة طبيعية بس لسه مغمى عليه مفكرتش كتير عشان عارفه إن الولد في حاله خطره و أخدت القرار ” لازم توقف القطار حالآ
الإنسانيه في أعظم صورها
الدكتورة وسام طلبت من رئيس القطار يوقف القطار و طلب الإسعاف الطفل بيموت و فعلآ طلب من السواق من خلال اللاسلكي التوقف لكن السواق رفض و قال مينفعش أقف غير في طنطا الدكتوره بعلو صوتها لسه فاضل ساعه هيكون الولد مات الدكتوره وسام بإصرار عجيب أصرت إن القطار يقف و قدام إصرارها و تمسكها بموقفها قام رئيس القطار متصل بناظر أقرب محطة بنها عشان يجبر السواق يوقف القطار
الروعه كل الروعه
القطار وقف في بنها و كان فيه في إنتظار الطفل و أمه و الدكتوره وسام عربية إسعاف مجهزه و معاها عربية شرطة جايه تسهل الطريق كمان للطفل عشان يوصل المستشفى بسرعه و في مستشفى أطفال بنها إتكتب للولد عمر جديد و رجعت الإبتسامه لأمه و للدكتوره وسام
لسه فيها حاجات كتير حلوه أيوه لسه فيها بشر يطلق عليهم عنوان أسمه الانسانيه
