كن انسان ل حنا النجار

(كن انسانا)
كيف تكون انسان؟
الانسانيه مش انك انسان عايش بياكل وبيشرب وبينام الانسانيه مش مجرد جسد وروح ؟
الانسانيه الي بجد انك تحس بالانسان الي قدامك تكون حاسس بيه .
1_لو حد شغال معاك ف عمل معين وتعب متقولوش انت متنفعنيش انا هجيب غيرك هو عمره مسابك علشان انت تسيبه فتعبه هاته معاك حتي لو مشتغلش خالص مايمكن محتاج لفلوس بس نفسه عزيزه عليه ساعده بس بطريقه محترمه (كن انسانا)
2_زميلك الي معاك فالمدرسه /فالجامعه لو كان لبسه ع قده متتريقش عليه او حتي تنظرله نظره مش حلوة علشان انت متعرفش ظروفه ايه ولبسه الي مش عاجبك ده متعرفش هو جابه ازاي (كن انسانا)
3_صاحبك الي بيهزر معاك لو طلعت منه كلمه مكانتش مناسبه متكسفوش هو لو مش بيحبك مكانش هزر معاك فهمه بينك وبينه انه مكانش يصح يقول كدا او نهزر براحتنا بس بينا وبين بعض بس (كن انسانا)
4_متفضلش تبين نفسك ان انت الوحيد الي بتفهم ف جلسه معينه او تستهان بالعقليات البسيطه الموجوده معاك مهما كنت بتفهم ومهما كان مستوي تعليمك اتكلم معاهم بما يناسب عقليتهم وليس بما يظهر انك فيلسوف زمانك.(كن انسانا)
5_زوجك /خطيبك متفضلش تطلب منه كل شويه طلبات وتحرجه /تحرجيه او لو كان مضايق انتي متعرفيش ظروفه ايه اكيد لو معاه مش هيتاخر عليكي فشيء ولو مبيحبكيش اكيد مكانش خطبك /تزوجك (كن انسان)
6_ابنك /بنتك لو لسه مولود وفرحان بيه وعايز تسميه ع اسم ابوك او ع اسم والدتك .مش هتخسر حاجه لو خليتله اسمين اسم ع اسم والدك والاسم التاني ع اسم والد مراتك مش تحت شرط هي تقولك الحاجات دي بتتحس بس صدقني الحاجات دي بتفرق معاها جدا (كن انسان)
7_متجيش ع حد وثق فيك واختارك انت بس يحكيلك عن حاجات محكهاش لحد غيرك انت ممكن تخليه يكره الحياه كلها وممكن بكلمه منك تديله امل فالحياه (كن انسان)
8_ابنك/بنتك متحرجهاش /متحرجهوش قدام الناس هو صعب يكرهك بس برضو صعب ينسهالك كلمه بينك وبينه (كن انسان)
9_متشتريش هدوم غاليه او تاكل اكل غالي وانت عارف ان زميلك الي معاه مش معاه يامتجبش يااما تجيبله معاك وكانك عازمه بس بطريقه شيك (كن انسان)
10_لو والدك /والدك عايشين متتكلمش كتير عنهم وعن حنانهم قدام حد ابوة /امه متوفيه وحتي فعيد الام يستحسن متنولش حتي صوره لوالدتك علشان ف زميلك امه متوفيه (كن انسان)
11_زور اي حد محتاج او اي حد مريض ولو كان محتاج مش تحت شرط تحرجه وتديه فلوس بايده انت ممكن تعرف ايه الحاجات الي هو بيحتاجها وتجيبهالو وتبينله كانها زياره عاديه منك ليه .(كن انسان)
12_ادي امل للي قدامك حتي لو انت متملكهوش ممكن كلمتك تاثر فيه انت مش هتخسر حاجه (كن انسان)
13_متجرحش /متجرحيش حد اختارك انت من بين العالم كله ووثق فيك .اسال نفسك الاول اشمعنا انا الي من العالم كله اختارني /اختارتني .(كن انسان)
الانسانيه عمرها مهتكون جسد بيفني ولا روح بتروح للي خالقها الانسانيه معني اسمي واجمل بكتير من اني عايش لمجرد اني باكل وبشرب وبتجوز وبخلف الانسانيه الي بجد انك تكون انسان زو اخلاق وقيمه وصاحب مشاعر ساميه تحمل رساله لتؤديها ع اكمل وجه.


 

طوبيا اكسبريس
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى