“لمين أشكي” همسات لـــ منى فتحى حامد
كتبت /منى فتحى حامد
أشكيك لمين يا ندم ، أشكيك لمين
ما دام فى حزن و ألم ، من فراق العاشقين .
بعيونهم مغرمين ، مشتاقين ،
لكن لهجر الروح ،صاروا ، متعذبين مجروحين
روح يا دمع من عيون حبيبي ،
سيبهم للأشواق هيمانين
ده القمر أصله مشاعر ،
أحاسيس غابت عنا من سنين
ده الفراق لهيب للأحبة ، سالت نيرانه عالخدين
الحياة حلوة و جميلة ، فى الهوى لنسمة ياسمين
لكن مين يفهم إن الحب وردة ،
محتاجة ترويها بعطر ناردين