الصقر عز نفس وكبرياء

كتبت عزة الجراح
الصقر لما بيصطادوه … بيدفنوه في الرمل ويكبوا عليه مايه … ودا لسبب معتقدش إن ناس كتير عارفاه
الصقر بيطير حر و شخصيته كطــير زي ما بشر كتير بتتمناه لنفسها … هيبه وقوة و فخامة وعزة نفس
الصقر اول ما بيصطادوه .. بيحس بالذل والاهانه … ودا بيسببله ارتفاع وسرعه في ضربات القلب اللي بتؤدي أن القلب بينفجر ويموت … فلما بيدفنو جسمه ف الرمله ويكبوا مايه علي دماغه ضربات قلبه بتقل ويهدي
ودايما بيكون راسه أدام عشان ميشوفش اللي اصطاده لـأنه لو شافه مش هيفيد بحاجه الدفن لأنه هيحس بالذل كل ما يشوف الشخص ده ادامه وهيموت من الاهانه .
الصقر لما بيكبر وبيعجز ومنقاره بيضعف و يبرد ومخالبه أتبرت وجناحه تقل ومعدش شايله
بيعمل حاجه من اتنين … يا أما بينتحر ويموت نفسه لأنه متعودش يعيش ضعيف ويستنى الموت وبرده بينتحر بهيبه … بيفضل طاير لأقصى أرتفاع لحد ما قوته تنتهي ويقع يموت يعني برضه بيموت ملك طاير مش مهزوم
او بيكسر منقاره ومخالبه وبيقصقص ريش جناحه ريشه ريشه وبييتحمل ألم رهيب وجوع كافر لمده كبيره … بس بعد حوالي 20 يوم بيرجع زي أول مره طار فيها خفيف وقوي وحاد واتولد من جديد دا كله عشان ميكونش ضعيف

طوبيا اكسبريس
اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى