كلمة حق بقلم سوزان احمد
مش مهم مصر تفوز فى مباراة
المهم مصر ترجع لمكارم الاخلاق
مش مهم مصر تكسب
المهم مصر تنضف
مش مهم نفرح برياضة
المهم فى الاخلاق نفوز بالريادة
مش مهم تنتظروا نتيجة اللعبة
المهم تنتظروا …..حل الازمة
قبل ما تصفقوا لاداء اللاعبين
راعوا فى اعمالكم رب العالمين
مش بالرياضة يبنى الوطن
ولكن بالاخلاق وطهارة اليد والنفس يعيش الوطن
سيبوا الفرعيات …وصوبوا الهدف فى الاساسيات
ابنوا مصر بايد من حديد
بدل التاكل والصديد
بدل ما تتلموا ادام شاشة وتهللوا لرياضة
اتلموا بوحدتكم ادام الفساد ….بدل ما بقى اصبح له السيادة
اتلموا حوالين تعاليم ديننا ….وطبقوها بجدارة
اتلموا فى الحق واقفوا جنبه وبلاش تبيعوا بعضكم ببساطة
بعضكم يخاف والتانى ينافق والتالت يدوس على الرابع علشان وساطة
ده كله فى الاخر فانى ومش هايدوم غير عملكم
هو ده الفوز الحقيقى وحالنا به هايتغير …يا سادة
انا اعتز بشخصية اللاعب محمد صلاح ولكن ليس كلاعب وانما لانه مثال للانسان والشباب الحق
فما لفت نظرى له هو انسانيته وتواضعه ورجولته الممثلة فى تصرفاته وليس فى جنسه كرجل موثق بشهادة ميلاده
ارى فيه ما تلاشى من مجتمعنا من شهامة ومروءة وصدق وانسانية وتواضع
ولهذا اتمنى ان ينمو داخل كل شباب ورجال وشعب مصر حتى نعود لعهد نبكى على فقدانه فالذى نبكى عليه ليس وطن تغير …وانما نفوس تغيرت …مبادىء وقيم واخلاق وسلوكيات تغيرت …فتغيرت معها كل المفاهيم …وتبدلت الموازين
سفيرة الحق والعدل
