فارس البحيري يكرم أبناء جيله

كتب:فارس البحيري
أجمل حاجة في الوسط الفني بجد.
لما زمايلك اللي سبقوك بدفعة صغيرة من مخرجين منفذين واللي كانوا مخرجين منفذين وأصبحوا مخرجين ( تقال ) ولهم أسماءهم التي تنافس لتكون الأولى. كل هؤلاء المبدعين.
أول ما يعرفوا إنك داخل عمل جديد.
يكلموك ويعرضوا عليك مساعدتهم.
رغم أنهم ممكن يكونوا متأكدين إنك مش محتاج حاجة..
رغم ذلك كل واحد فيهم علي حدا..
يكلمك مره واثنين ويأكد عليك لو أي حاجة وقفت قدامة في أي مكان… كلمني.
دي أجمل حاجة بجد من ناس جميلة من جواها وبتحب الخير للغير بجد وبالفعل.
ناس بتحبك بجد وبطمنك وتقولك كمل وإحنا معاك.
أطمن.. كل اللي عليك إنك تبدع.
وتخرج كل الإبداع والفن الراقي المحترم اللي جواك.
عبر عن عشقك لفنك بأعمالك.
عشان الأجيال الجايا تقول علينا جيل عمل فن بجد.
جيل عمل تاريخ للفن علي تاريخه.
الناس دي اتعلموا من اللي سبقوهم. وبيعلمونا الحب والخير عشان نعلمه للأجيال القادمة.
ناس اتعلموا من الأجيال السابقة إن.
( الفن زي الشمس والشمس بتشرق للجميع )
الله يرحم الأب والمعلم والقدوة المخرج الكبير الأستاذ #محمد_خان
كان عنده جمله مشهورة ديماً بيقولها لينا
( سعدوا بعض ياولاد.. ونفسوا بعض بشرف )
رحمه الله عليه هو وكل أبناء جيله والأجيال السابقة من منتجين_مؤلفين_مخرجين_ممثلين_مبدعين.
جميعهم علمونا أن الفن حرية وحب وأخوه وإن عشان تنجح لازم تعمل كل حاجة بحب وإخلاص وتفاني.
أنجح مش عشان اللي بيتمنالك الفشل يفرح لا
أنجح عشان أنت بتحب النجاح
عشان تحقق حلمك وحلم جيلك.
أدام الله علينا جميعاً هذه الروح الطيبة النقية
أشهد الله أنى أحب الجميع وأتمنى لهم الخير والنجاح.
والله وحده يشهد أني لم ولن أبخل علي أحد بشيء تعلمته في هذه الدنيا ليس في المجال الفني فقط. ولكن في الحياة بشكل عام.
وكل من يعرفني يعرف ذلك عني.
يذكر أن المؤلف والمخرج: فارس البحيري
يقعد جلسات مكثفة هذه الأيام في إحدى شركات الإنتاج الكبرى لإختيار بطلة فيله الجديد ( البنزينة) الذي كتبه وسوف يقوم بإخراجه أيضاً.