بحبك يا مصر بقلم سوزان احمد
بحبك يا مصر
بقلم سوزان احمد على طلبة
بحبك يا مصر ——بحبك بكل ما فيكى
بحبك يا مصر —– بحبك رغم مقاسيكى
بحبك وقلبى بينزف عليكى
بحبك وبقلبى وروحى افديكى
ده انتى ارضى واهلى وبيتى
ده انتى ارضى لا ——-وارض كل العرب اللى حواليكى
انتى الام اللى بحنانها ——-بتحضن اللى يجيلها وبتشيليهم فى عينيكى
انتى القلب اللى محفور جواها ——-مكان لكل عربى بيدور عليكى
على حضن كبير يساعهم ——-لانهم مش بيحسوا بالغربة فيكى
مهما روحنا ومهما بعدنا ———بنرجع نبوس تراب اراضيكى
تشفى جروحنا بريح هواكى ——– نكحل عيوننا بنور رؤياكى
مهما قالوا يا مصر فيكى ——– مهما اتكاتلوا يا امى عليكى
عاوزين يوقعوكى ——-بس هاتفضل راسنا مرفوعة بيكى
عروسة بدمنا بنكحل عينيكى
مهما قولت عنك ——– لحقك مش هاوفيكى
صبرتى كتير على المحن ——-وقفتى فى وش الزمن
هتنهضى يا مصر من جديد ——شايلة على كتافك الوليد
فى طريقك ياما اتعثرتى ——– كتيركتير ما اتاثرتى
ولا اتهزيتى ولابكيتى —– ولا على اللى فات مرة ندمتى
شعبك كلهم جنود ——- دول اصلهم اسود
وانا فخورة انى مصرية —— وامى مصر ام الاسود
سفيرة الحق والعدل
