طير بالسما يخطف النوم من عيون الزعيم الصينى ماوتسى تونج
كتبت/جيهان جبر عبد الصمد
حكاية غريبة ..أغرب من الخيال ..فى سنة 1958 أصدر الزعيم الصينى ماوتسى تونج فرمان غريب وعجيب ..أمر شعبه بقتل طائر الدورى ..ومكافأه نقدية وعينية لكل واحد يقتل أكبر عدد ممكن من طائر الدورى ..وطبعا تقاتل وتبارى الفلاحين لمطاردة هذا الطائر اللعين الذى يقتات على القمح والشعير ويحرم الصين من أهم مصادر الغذاء .يعنى قتل الدورى مهمة وطنية وشعبية ملحة .
وأخيراااااا أختفى الكابوس المرعب من سماء الصين الشعبية ..وأرتاح ماوتسى تونج فلاشىء الأن يحول دون تقدم ورخاء الصين الشعبية العظمى ..
وبعد أسابيع أنتشر الجراد بصورة مرعبة وتحولت سماء الصين لشبكة من الجراد تكاد تحجب الرؤية وتحرق الأخضر واليابس ولم يخطر ببال ماوتسى تونج أن طائر الدورى كان يتغذى ويقتات من الجراد ..
الجراد أصبح وباء دمر الصين الشعبية قضى على كل المحاصيل الزراعية ..الأرز ..الحبوب ..الغلال ..ووقعت الصين سنة 1961 فى مجاعة قتلت 51 مليون ماتوا جوعا من قلة الغذاء .
من الآخر عايزة قول حاجة بسيطة أوى بس تايهة عن ناس كتير ..أوعى تتخيل لحظة أنك ممكن تقطع رزق حد أو تجوع حد او تتحكم فى اكل عيشه …تبقى وهمان ..ربنا هو الرزاق .الكريم .مش أنت ولا اسمك ولانفوذك وجبروتك قادر أنك ترزق نملة بين الشقوق.ولا طير بالسما ..
الحمد لله ان رزقنا وحياتنا واعمارنا بيد الرحمن الرحيم ..مفيش داعى نتآمر ونخطط ونرسم ونسهر الليالى وأنت متخيل أنك أنتصرت وكسبت وشفت غليلك …..وناسى أن ربك الغفور ذو الرحمة فعال لما يريد وأمره كائن بين الكاف والنون .
