بسمة حجازي تكتب رحلة فى الشارع
اهات …. طفل
انا اللي يومي ونومي
رحلة في الشارع
شايل جبل وهمومي
جوايا ……. بتنازع
انا اللي بضحك ضحكه
مدهونه بالدمعه
انا اللي بسرق لقمه
والدنيا مش سامعه
انا اللي عيشت الليل
ولا شوفت صبحيه
انا اللي دوقت الويل
والناس مهش هيه
ناس تقول ده لقيط
وناس تقول تربيه
وناس تقول ده عبيط
عيل ملوش دية
واسمع كلامهم ليا
ابكي … بكا بصويت
بير واتحفر فيا
وملهش توقيت
وعمري لا شوفت الخير
ولا شوفت حنيه
دنيا بتأسي يوماتي
ودمعي فاكراه
فاكره جراح واهاتي
ووجعي .. والاه
مولود وابويا اتوفي
والغربه حضنتني
موعود بناس تتشفي
في دنيا ظلمتني
عيل يادوب في اللفه
ولا مره سمعتني
